السلام عليك الشباب، كندور فالمجموعة و شفت بزاف الناس كيقلبو على شي سيرفس ف الدول اللاتينية و مزروبين و باغين يدير المليون دولار فشهر. و الله يهديكم الاخوان واش مكتعلموش من الاغلاط د ناس لي واصلين و فايتينكم فالخدمة ؟ سفيان و اسامة قالو ليكم مشات ليهم ستين مليون بسباب هادشي. وا شباب متزربوش و تكونو ملهوفين. الا خايف على برودوي لي درتي ليه تيست ياخدوه لك و تبقا حاصل اذن التجارة ماشي ديالك، شوفلك حرفة اخرى. اذن من هادشي كامل شنو خاصك دير حاليا قبل متبدا فالمارشي و يطلقوه مزيان. تبع معايا نوريك : اول حاجة : شوف اخويا لمارشي كيف داير، شوف شنو كيتباع فيه، شوف الناس شنو كتشري و التجربة ديالها فالشراء كيف دايرا، شوف شنو لحوايج لي كيشريو بزاف تما، شوف المتاجر كيف كيخدموهم و شنو كيبيعو و الاثمنة و قرا داطا ديالهم مزيان. ثانيا : دير روسيرش بروداكت ا خويا ولا ختي و قلب على منتجات جيدة لي مزيانين و كيديرو بصح داكشي لي فالفيديو، جمعهوم ف ايكسيل شيت، منين تجمع 20-30 برودوي و عزل على حسب واش كيحل مشكل ولا كيوفر الوقت و داكشي. و منين تعزل كلشي خلي 5 لي مزيانين ادير ليهم تيست فالاول. ثالثا : قاد ليهم المسائل ( صفحة المنتج و الفيديوهات ) و بلا متكدب على الناس و تمشي فطريق فلوس لحرام حيت مغاديش طول و الا طولت عرف ان ديك لفلوس اتخرج فصحتك والا فعائلتك، اوك. راك اتوكل والديك لحراااااام ا خويا تفكر فهادشي مزياان. منين دير تيست اخي العزيز شوف لي خدم ليك و جمع 3 منتجات لي جابت ريزولت مزيان و خليهم عندك باش منين يطلقو سيرفس اتكون ديجا سبقتي الناس لي يلاه ناويا دير روسيرش و نتا ديجا عندك منتجات و غادي توريهم ديريكت ل اكونط منادجر ديالك مضيعش لوقت عاد. رابعا : خدم اخويا ببرودويات لي كاينين دابا فلاطفورم د سيرفيس و تعلم فيهم و تيستي لمارشي كيف داير باش منين يطلقو السيرفس تكون فاهم شويا الامور كيف غاديا من ناحية الشراء و التأكيد و الاستلام، اوك ؟ خامسا : بغينا الاخوان نخليو لمارشي د لاتين يكون افضل و افضل و تجربة الزبون تكون نحو للافضل باش نكسبوهوم و نبيعو على طول الاعوام ماشي لكدوب و تحشيها ليهم و تجيب ليهم منتجات لا علاقة بالدنيا و الدين و الملة اوك. خليونا ندخلو لمارشي بعقلية رجال الاعمال و لي باغيين يطولو فالخدمة و يديرو براندات تما علاش لا، كلشي ممكن خاصة انه سوق فطور النمو، غادي طلع براند بسهولة اكثر و هانتا ربحتي تجارتك.

wach howa the best service li ahou disponible right now f market latino without codnetwork w ykun trust of course

سلام دراري اللي جربو Cod network drop كيدايرا الكونفيرماسيون او واش orders كيتليفراو دغيا ؟

salam drari wach sourcing available 3and codnetwork daba

hada wahd test produit b watssap jabliya 28 message b cost 0.44